உயிரினில் கலந்த உறவே

அளக்க முடியா உன்
அன்பின் எல்லைகளை
எப்படியாவது இந்த உலகிற்க்கு
அளந்து காட்ட வேண்டும் என்ற
அளவில்லா ஆசையால்
அளந்து பார்க்கிறேன்
என் இதயம் என்னும்
அளவு கோலால்

இதயத்தின் அளவுகோலால்
எடுக்கப்பட்ட அளவின் அலகு இது

இலக்கு நோக்கி செல்லும்
என் இந்த இடைவிடா பயணத்தில்
இடையில் நான் இளைப்பாற
இறைவன் தந்த ஒரு இருப்பிடம் நீ

சில புறகணிப்பால்
நான் புறந்தள்ளப்பட்டு
புழுதியாய் கிடந்த போது
என்னை தழுவி எடுத்து
தங்கமாக்கிய தாரகை நீ

சில உணர்சிகளால்
உருமாற இருந்த என்னை
உன் உணர்வுகளால்
உயிர் கொடுத்து
உயர்ந்தவனாகிய
உன்னதமானவள் நீ

அன்பே, என் ஆருயிரே
அளக்க, அளக்க
உன் அன்பினால்
அயர்ந்து போனேன்

உன் இத்தனை அன்புக்கு நான்
அருகதை உள்ளவான என
என் விழி நீரால் அமிழ்ந்தும் போனேன்

மன்னிப்பாயா, என்னை நீ மன்னிப்பாயா

என் வார்த்தை வாளின்
தீண்டுதலால் நீ வாடி துடித்தபோது
நீ அடைந்த வலியை விட
நான் துடித்த வலி அதிகம்

இதயத்தில் இருப்பவர்களின்
வாயில் இருந்து இடறி விழும்
ஒரு வார்த்தையும்,
சீறும் பாம்பை விட
சீற்றம் கொண்டது என

நீ இதயம் சிதைந்து
அழுதபோது புரிந்தது

இதயத்தில் இருக்கும் என்னுயிரே
புரிதலின் சிறு பிழையால்,
உன் இதயத்தில் நுழைந்த
என் வார்த்தையால்
நீ துடித்த துடிப்பு கண்டு
விழி கலங்கி, உயிர் துடிக்க நிற்கிறேன்

மன்னிப்பு என்ற வார்தையால்
உனக்கு மருந்திட முடியாது
என்று தெரிந்தாலும்
மனம் கலங்கி கேட்கிறேன்

மன்னிப்பாயா, என்னை நீ மன்னிப்பாயா