நேர முள்ளின் வேக நகர்தலில்
கையில் வைத்த பனிகட்டியாய்
கரைந்தே போனதே, உறவுகளை காணும்
என் விடுமுறை பயணம்
உறவுகளை காணும் உற்சாகத்துடன்
உடன் கூடி வந்த என் கைப்பைகளும்
திரும்பி செல்லும் நாள் நெருங்கி
நெருக்குவதை கண்டு, கலக்கமாய்
நெருக்குவதை கண்டு, கலக்கமாய்
காலத்தின் ஓட்டத்தினை கட்டி வைக்க,
கயிறு ஒன்று கிடைக்குமா என
தமக்குள் பேசி, பேசி தவித்து போனது
விடுப்பின் காலம் விடை பெற,
கனத்த மனதுடன் திரும்பி
களைத்து வந்த எம்மை கண்டு,
எடுத்து செல்லும் பொருளின்
எடை அளவு கூடியதால், நான்
விடுத்து சென்ற
மிட்டாய் பெட்டிகள்,
அங்காடியில் எம்மை வாங்கியபோது
உம் உறவுகளை மகிழ்விக்கும்
உரிய பொருள் நாங்கள் என
மகிழ்சியோடு காத்திருந்தோம்,
நீர் காணும் உறவுகளை எல்லாம் நாங்களும் கண்டு
மகிழ்ந்து, மகிழ்விக்க இருந்த எம்மை ஏமாற்றி
இப்படி இருட்டு மூலையில் இருத்தி சென்றது
என்ன நியாயம் என வினாவுடன் விசும்ப
அங்காடியில் எம்மை வாங்கியபோது
உம் உறவுகளை மகிழ்விக்கும்
உரிய பொருள் நாங்கள் என
மகிழ்சியோடு காத்திருந்தோம்,
நீர் காணும் உறவுகளை எல்லாம் நாங்களும் கண்டு
மகிழ்ந்து, மகிழ்விக்க இருந்த எம்மை ஏமாற்றி
இப்படி இருட்டு மூலையில் இருத்தி சென்றது
என்ன நியாயம் என வினாவுடன் விசும்ப
உறவுகளை கண்டு வந்த எமக்கே
இத்தனை கவலையென்றால்
காணாமல் இருக்கும் அவற்றின்
வேதனை எப்படி இருக்கும் என தெரிய
அவற்றின் கவலை தீர்க்கும் பதிலாய்
காத்திருங்கள், காலம் மீண்டும்,
உறவுகளை காண செய்யும் என்னும்
ஆறுதல் வார்த்தை சொல்லி,
அவற்றோடு சேர்ந்து,
உறவுகளை மீண்டும் காணும்
உன்னத நாளிற்க்காய் உவப்புடன்
நானும் காத்திருக்கிறேன்.
